இலங்கைத் துடுப்பாட்டச் சங்கத்தினால் நடாத்தப்படும் துடுப்பாட்டச் சுற்றுப் போட்டியில் 15 வயதுக்குட்பட்டவர்களுக்கான போட்டிகள் ஆரம்பமாகியுள்ளன. யாழ்ப்பாணக் கல்லூரியுடனான விக்ரோறியாக் கல்லூரி பங்கு கொண்ட போட்டியில் 131 ஓட்டங்களால் விக்ரோறியாக் கல்லூரி வெற்றி பெற்றது. நாணயச்சுழற்சியில் வெற்றி பெற்ற விக்ரோறியாக் கல்லூரி முதலில் துடுப்பெடுத்தாடியது. 43 பந்துப் பரிமாற்றங்களில் 174 ஓட்டங்களுக்கு சகல இலக்குகளும் இழக்கப்பட்டன. விக்ரோறியாக் கல்லூரி அணி சார்பில் பி.ஐங்கரன் 50 ஓட்டங்களையும் அணித்தலைவர் கே.பிரசாத் 40 ஓட்டங்களையும் பெற்றுக் கொடுத்தனர். யாழ்ப்பாணக் கல்லூரி சார்பில் சி.கிருபாலன் 29 ஓட்டங்களை 7 இலக்குகளை வீழ்த்தினார். தொடர்ந்து துடுப்பெடுத்தாடிய யாழ்ப்பாணக் கல்லூரி 14 பந்துப் பரிமாற்றங்களில் 43 ஓட்டங்களை மட்டும் பெற்று சகல இலக்குகளையும் இழந்தது. விக்ரோறியாக் கல்லூரி அணி சார்பில் பி.ஐங்கரன் 11 ஓட்டங்களுக்கு 4 இலக்குகளை வீழ்த்தினார். 131 ஓட்டங்களால் விக்ரோறியாக் கல்லூரி அணி இலகுவான வெற்றியைப் பெற்றது.