Monday 2 September 2013

துடுப்பாட்டத்தில் சிறப்பான வெற்றி



சுழிபுரம் விக்ரோறியாக் கல்லூரிக்கும் ,யாழ்ப்பாண இந்துக்கல்லூரிகும் இடையில் யாழ்ப்பாண இந்துக்கல்லூரி மைதானத்தில் நடைபெற்ற ஐம்பது(50 )ஓவர்கள் கொண்ட துடுப்பாட்டப் போட்டியில் சுழிபுரம் விக்ரோறியாக் கல்லூரி எண்பத்தியொரு (81)   ஓவர்களை வெற்றி பெற்றுள்ளது. முதலில் துடுப்பாடிய விக்ரோறியாக் கல்லூரி ஐம்பது (50)     ஓவர்களில் சகல விக்கற்றுகளையும் இழந்து 244 ஓட்டங்களைப் பெற்றது.
விக்ரோறியாக் கல்லூரியின் அணியில் வை.கஜன் 50 ஓட்டங்களையும் அணித்தலைவர் பா.பிரதீப் 49 ஓட்டங்களையும் பெற்று அணியை வலுவான நிலைக்கு கொண்டு வந்தார்கள். அதன் பின் துடுப்பாட்டத்தில் இறங்கிய யாழ்ப்பாண இந்துக்கல்லூரி வீரர்கள் ஒரு ஓவரில் 4.88 ஓட்டங்களை பெற வேண்டிய நிலையில் களத்தில் இறங்கியது. விக்ரோறியாக் கல்லூரியின் திறமையான பந்து வீச்சால் யாழ்ப்பாண இந்துக்கல்லூரி சகல விக்கட்டுகளையும் இழந்து 163 ஓட்டங்களை மாத்திரமே பெற்றது. விக்ரோறியாக் கல்லூரியின் சார்பில் சகல துறை ஆட்டக்காரரான வை.கஜன் 3 விக்கட்டுகளையும், மா.குகசாந்தன் 3 விக்கட்டுகளையும் பெற்றதன் மூலம் விக்ரோறியாக்கல்லூரி 81 ஓட்டங்களைப் பெற்று வெற்றி பெற்றது.
இலங்கையில் யாழ்ப்பாண இந்துக்கல்லூரி சிறந்த துடுப்பாட்ட அணியாகும் இக் கல்லூரியை வெற்றி கொள்வது என்பது ஒரு சாதாரண விடையமல்ல அதிலும் இந்துக்கல்லூரி தேசிய மட்டப்பாடசாலையாகும். எமது விக்ரோறியாக்கல்லூரியின் துடுப்பாட்ட வீரர்கள் பல தலைசிறந்த கல்லூரிகளுடன் விளையாடி பல வெற்றிகளைப் பெற்று வருகின்றார்கள் என்பது குறிப்பிடத்தக்கது. கல்லூரியின் விளையாட்டு வீரர்களுக்கு ஆக்கமும், ஊக்கமும் கொடுத்து ஒரு தலைசிறந்த அணியாக கொண்டுவருவதற்கு கல்லூரி அதிபர் திரு.ஸ்ரீகாந்தன் அவர்களுக்கும் ,பயிற்சியாளர் திரு.சிவரூபன் அவர்களுக்கும், வெற்றியை ஈட்டித்தந்த அனைத்து துடுப்பாட்ட வீரர்களுக்கும், பெற்றோர்கள் ,ஆசிரியர்கள் ,மாணவர்கள் ,மற்றும் பழைய மாணவர்கள் ,யுகே பழைய மாணவர் ஒன்றியம் அனைவரும் தமது வாழ்த்துக்களைத் தெரிவித்துக் கொள்கின்றார்கள் .
இது போன்ற வெற்றிச்சிறப்பை அடைவதற்கு வெளிநாடுகளில் வசித்துவரும் பழைய மாணவர்கள் எல்லோரும் நிறைந்த ஒத்துழைப்பை வழங்கவேண்டும் என்பது யாவரினதும் எதிர்பார்ப்பு .

யுகே பழைய மாணவர் ஒன்றியம்